BOGOTA, AP.- Mas di 7.400 miembro di Forsa Armá Revolushonario di Colombia (FARC) ta kla pa reintegrá den sosiedat, segun gobièrnu di Colombia. 3.252 rebelde akusá pa delitonan polítiko a wòrdu outorisá amnistia djaluna.
Kasi dos siman despues ku e gueria mas bieu di Latinoamérika a kompletá su abandono di arma, presidente Juan Manuel Santos a sera tur kaso di guerieronan akusá pa rebelion i delitonan relashoná manera kargamentu di arma ilegal.
Ounke gobièrnu mester revisá algun dokumento, obra guerieronan, kual ta 3.000, mester paresé dilanti di korte spesial di pas. Esnan ku rekonosé su partisipashon den e konflikto por wòrdu apsolbé i risibí solamente ta paga pa kondenanan sin prizòn.
Djaluna, Nashon Uni a outorisá pa ekstendé su presensia den Colombia te ku sèptèmber 2018, den un mandato pa verifiká e proseso di transishon di rebelde pa bida sivil. E preokupashon mas grandi di e organismo aki ta falta di garantia di Estado pa eks kombatientenan di FARC no kai den tentashon di uni otro gruponan armá ilegal presente den e pais.
Despues di e desarme individual di miembronan di gueria, Nashon Uni ta lokalisando i lo desmantelá sentenar di depósitonan klandestino di arma i material di FARC skondé den mondi.
