BOGOTA, AP.- Presidente Juan Manuel Santos a designá Juan Camilo Restrepo komo e hefe di negosiashon di diálogo ku gueria di ehérsito di liberashon nashonal ku ta kuminsá djaweps aki na Ecuador i lo ekstendé ku 454 dia den un zona serka di kapital ekuatoriano.
Restrepo eks minister di finansa di e partido konservadó lo ta e título di e delegashon di gobièrnu. Den transkurso di siman lo duna di konosé e nòmbernan di e otro miembronan di e ekipo.
Djaweps próksimo si e kondishonnan permití lo instalá na Ecuador e mesa di negosiashon ku ELN pa asina por tin pas kompleto”, asina Santos a bisa djadumingu anochi den un mensahe na públiko.
E hefe nobo di negosiashon di 70 aña a bisa na radio ku e designashon aki pa parti di presidente Santos no tabata fásil i opviamente e ta kompliká, e ta duru.
El a bisa ku el a aseptá paso meskos ku hopi kolombiano e tambe ke kontribuí tambe na e gran propósito nashonal di yega na pas.
E intentonan di kontinuá ku e negosiashonnan di pas ku e ELN tabata wanta for di vários luna pasa pa e falta di akuerdo riba e liberashon di vários persona sekuestrá ku gueria tin den nan poder.
Algun ora despues e kansier ekuatoriano Guilluame Long a bisa for di Quito ku “Nos ta e fasilitado di e proseso aki te ora e keda ratifiká. Tin un dokumento di e ruta pa e liberashon di esnan sekuestrá i den funshonamentu di e dokumento di ruta tur dos partido a akordá pa reuní i dialogá na Ecuador.
El a bisa ku dia 27 di òktober lo instalá formalmente e mesa di diálogo na e kapital ekuatoriano i un siman despues e reunionnan ta kuminsá den e sektor serka di e mesun siudat.
