BENI, CONGO, AP.- Presidente di Congo, Felix Tshisekedi a bisa djamars ku e kier kontené e brote di ébola den ménos di tres luna, ounke ekspertonan ta bisa ku e labor aki por tuma dòbel e kantidat di tempu.
E mandatario a papia durante un bishita na oriente di Congo, kaminda e brote a kombertí den e segundo mas mortal den historia di e pais. E ministerio di Salú a bisa ku kasi 1.200 kaso a wòrdu konfirmá, inkluyendo mas di 800 morto.
E bishita di Tshisekedi, a wòrdu realisá algun dia despues ku Organisashon Mundial di Salú a difísil ku e brote no ta un emergensia mundial ainda.
E brote ta tumando lugá den un zona volatil, serka di frontera ku Ruanda i Uganda, kaminda gruponan rebelde i resistensia di e komunidatnan a kompliká e tarea pa kontené e vírus.
E siman aki, mas di 100.000 persona a haña un vakuna eksperimental pero efektivo kontra ébola.
