CUBA, AFP.- Cuba ta preparando pa habri su portanan pa turismo internashonal na novèmber awor ku eliminashon di e karentena obligatorio i plannan pa ofresé nan vakuna kontra COVID-19 na biaheronan, asina e ministerio di turismo a informá.
“Nos ta tratando pa mira di ta posibel ofresé vakuna pa tur kliente ku ta bishita nos”, asina a keda informá den konferensia di prensa pa minister di turismo Juan Carlos Garcia.
Cuba, ku durante di e pandemia a sufri un gòlpi duru ekonómikamente pa ousensia di su bishitantenan ta spera di risibí 100 mil turista den e último 45 dianan di 2021, i lo probechá di kontra ku e vakuna di produkshon propio.
Ku e produkto aki nos lo tin un atributo ku ta hasi nos diferente di otro destinashonnan turístiko di mundu, asina e minister a bisa na AFP na momentu ku e rueda di prensa a terminá.
“Si nos lo logra esaki pa 15 di desèmber” ora frontera habri, e servisio di vakuna na turistanan lo tin di wanta te pa dia 1 di desèmber, asina e minister a antisipá.
E oferta di vakuna no ta mara na paketenan turístiko i ta dependé si e turista ta deseá esaki.
“E hendenan no ta bin pa un periodo largu, si bo ta bai tuma e Soberana 2, nos ta duna e vakuna i nos ta duna bo tratamentu di bienestar, kalidat di bida i nos ta duna bu un bòter pa e otro dos vakunanan pa bo bai kuné”, asina Garcia a bisa.
