ATLANTA, AP.- Un atake informátika a laga number di seguridat sosial i otro datonan di 143 mion merikano eksponé. Esaki ta segun indikashon di e kompania di krédito Equifax.
E empresa ku sede na Atlanta a señalá ku e “kriminalnan a probechá di un aplikashon di e website merikano pa haña akseso na archivonan entre meimei di luna di mei i yüli di e aña enkuestion.
E nòmber di e konsumidónan, number di seguridat sosial, fecha di nasementu, adrès i den algun kaso e number di reibeweis a wòrdu eksponé, segun indikashon di e kompania. Ademas, e hackernan a saka numbernan di tarheta di krédito di 209.000 konsumidó merikano.
Equifax a bisa ku e intrusonan tabatin akseso na sierto “informashon personal limitá” di residentenan di Canada i Gran Bretaña.
Ningun konsumidó di otro paisnan a wòrdu afektá.
