PERU, AFP.- Debí na e pandemia mayoria di e peruanonan solamente por wak laman di leu i apstené nan mes di solo den santu den fin di siman kuminsando ayera, djis promé ku hopi tabata preparando pa bai dal un baño na laman debí na e kalor inmenso ku ta hasi.
Gobièrnu a dikta un dekreto ku ta prohibí bai landa na laman di Lima, meskos ku drumi òf sinta den santu, riba djabièrnè, djasabra i djadumingu, ounke ta sigui permití si realisá e deporte akuátiko sin kontakto, manera sùrf òf rema.
Polis i e servisionan munisipal di seguridat ta sòru pa kumpli ku e reglanan, esaki segun e dekreto públiko ayera den e korant ofisial El Peruano.
E medida aki ta pa trata di evitá aglomerashon ku ta sosodé na playanan i asina sòru pa mas kontagio di e vírus. Por bai laman di djaluna pa djaweps pero den wikènt esaki ta prohibí