WASHINGTON, AP.- Den antisipashon di e publisidat ku ta bini, demókratanan a publiká aviso na televishon kaminda ta pidi deklarashon di Donald Trump riba inmigrantenan, muhé òf veteranonan di guera i kualkier por puntra “kon ta posibel ku legisladornan republikano ta apoy’é”.
E publisidat di komité di Kampaña demókrata pa Kongreso ta pone speransanan di e partido di logra un kosecha rèkòrt di asiento den Kámara di representante.
Superá pa republikanonan ku 247 asiento kontra 188, ta probabel ku demókratanan ta gana sufisiente puesto den novèmber. Pero pa gana e 30 ku mester pa rekuperá mayoria den kámara, esaki ta parse difísil.
