BAGDAD, AP.- Un tribunal irakí a sentensiá un franses ku tabata kombatiendo grupo Estado Islámiko na morto i a posponé e veredikto di un di sinku hòmber despues di testifiká ku el a wòrdu torturá durante su detenshon.
Fransia a bisa ku e tribunal irakí tin hurisdikshon pa emití un desishon den e kasonan, ounke un bosero a reiterá gobièrnu franses su oposishon kontra pena kapital.
E huisionan ta sosodé na momentu ku ta surgi vários pregunta tokante e trato legal ku mester duna míles di estranhero ku tabata pertenesé na e grupo ekstremista.
E hòmbernan huzgá ta entre e 12 fransesnan ku tabata kombatí grupo Estado Islámiko i Forsa Demokrátiko Sirio respaldá pa Merka, entregá na Irak den yanüari. FDS ta dirigí pa kurdonan i tabata e punto di salida den e lucha kontra Estado Islámiko na Siria i a entregá diferente miembro di e grupo ekstremista den lunanan resien.
“E teroristanan mester duna aklarashon pa nan krímennan”, asina e bosero di Ministerio di Eksterior di Fransia, Agnes von der Muhll a bisa.
