CARACAS, AP.- Outoridat venezolano a detené sinku persona relashoná ku tráfiko di persona pa Trinidad i Tobago. E arestonan a sosodé despues di un kontroversia pa e noufragio resien di dos barku dirigiendo pa e isla karibense i kual a laga vários persona pèrdí.
Kuater hòmber i un muhé a wòrdu arestá den e estado oriental di Sucre pa nan vinkulashon ku tráfiko di persona, segun indikashon di Fiskal General den un komunikado.
Tres di e personanan impliká a wòrdu detené na komienso di mei pa vigilantenan nashonal na un puesto di kontròl den pueblo oriental di Bohordal, estado di Sucre, na momentu ku nan tabata den un vehíkulo huntu ku dos muhé i tres adolesente.
Outoridat a detené dos persona mas un dia despues den sektor di Rio Salado di e pueblo na kosta di Guiria dor ku nan tabata relashoná ku e kaso. Orfila i Mata ta wòrdu señalá di ta na kargo di a kontratá un boto pa transportá e víktimanan rumbo pa Trinidad i Tobago, segun indikashon di Ministerio Públiko.
E detenshonnan ta sosodé den ménos di dos siman despues ku e boto Ana Maria a sali di Guiria rumbo pa Trinidad i Tobago, pero sin yega nan destinashon final.
