RIO DE JANEIRO, AP.- Dilma Rousseff a muda djamars for di residensia presidensial, seis dia despues ku senadornan a vota pa retirá di su puesto.
E promé muhé ku a kupa presidensia di Brasil a sali di Palacio Alvorada, den kapital di Brasilia, segun imágennan di e portal di notisia G1. Anteriormente esaki a publiká otro potrètnan kapturá kaminda e partidarionan tabata salud’é den e aeropuerto i subiendo avion.
Rousseff a bisa ku e tabatin planiá di regresá su siudat natal di Porto Algre, den sùit di Brasil.
E funshonario a wòrdu kitá di e kargo djamars debí ku el a violá leinan di responsabilidat fiskal den su maneho di presupuesto federal . E ta rechasá akusashonnan. E ta indiká ku su salida tabata un gòlpi di Estado moderno konsebí pa enemigunan polítiko ku no kier pa e ta presidente mas.Eks visepresidente Michel Temer, awor ta mandatario i ta terminá periodo di Rousseff, ku ta terminá na final di 2018.
