DISKURSO DI REI NORUEGO TA ATRAE ATENSHON MUNDIAL

COPENHAGUE, DINAMARKA, AP.- Un diskurso resien di rei Harald di Noruega den apoyo di derechonan di homoseksual i diversidat atraé atenshon internashonal. Asina e palasio a indiká djamars.
E bosero Marianne Hage a bisa ku e palasio a risibí diferente pedido pa tradukshon ofisial di e diskurso di e monarka dia promé di sèptèmber último.
Papiando den Parke di e Palasio na Oslo, e rei di 79 aña a bisa “noruegonan ta muchanan muhé ku ta stima mucha muhé, muchanan hòmber ku ta stima mucha hòmber i mucha muhé i hòmber ku ta stima otro”.
El a bisa ku mayoria noruego a inmigrá desde Afganistan, Pakistan, Polonia i vários otro pais i ta “kere den Dios, Ala, Universo i nada”.
E diskurso a wòrdu kompartí pa desena di míles di biaha riba retnan sosial.