WILLEMSTAD.- Un siudadano atento ayera a pasa den área di Suffisant i a tuma nota di un vehíkulo marka Volkswagen Polo ku tabata pará den un mondi di un forma sospechoso. Esei a pone ku el a yama outoridatnan polisial pa motibu ku el a kere ku tabata trata di un vehíkulo hòrtá, e forma ku e outo tabata hinká den mondi.
Polisnan a presentá na e sitio huntu ku e tim di joyriding pa kuminsá hasi e trámitenan nesesario pa saka e outo i kuminsá hasi investigashon.
Na momento ku polisnan a presentá, doño di e vehíkulo a sali bisa ku e outo ta di dje i ku ta e mes a plum’é di tal forma. Ora e kaba di kita tur lokual e mester na e vehíkulo, e lo laga tira esaki afó.
