RIO DE JANEIRO, BRASIL, AFP.- Dos yu siames brasilero ku kabes pegá na otro a wòrdu separá durante un intervenshon ku a wòrdu deskribí komo e sirugia mas kompliká di su sorto pa dòkternan djaluna. Dòkternan a usa realidat virtual pa prepará e sirugia.
Arthur i Bernardo Lima a nase na aña 2018 den estado di Roraima, na nort di Brasil, komo ohochinan “craniopagus”, un kondishon ekstremadamente straño pa e rumannan ku kabes pega na otro.
E kabesnan a keda pegá na otro durante kasi kuater aña. Durante gran parti di e kuater añanan aki nan a keda den un hospital di Rio de Janeiro. Pero awor e ohochinan por wak otro pa promé biaha despues di nuebe operashon ku a kulminá den un sirugia maratóniko di 23 ora.
Organisashon médiko Gemini Untwined, ku sede na London, a ehekutá e prosedimentu, i a deskribí esaki komo “e separashon di mas desafiante i kompliká te ainda” mirando ku e muchanan ta kompartí vários ardu vital.
