ISLAMBAD, PAKISTAN, AFP.- Eks promé minister di Pakistan, Imran Khan, a keda deskualifiká di elekshonnan durante sinku aña despues ku e komishon di elekshon a deskubrí ku el a engañá funshonarionan tokante regalonan ku el a haña di lidernan den eksterior, temporada ku e tabata na poder.
E disputa polítiko a kuminsá promé ku a kita Khan den aprel, i ta un di e vários batayanan legal entre e eks premier i su partido Pakistan Tehreek-e-Insaf (PTI)
Desénas di su sostenedónan a ataká vehíkulonan na momentu ku nan a sali di sede di Komishon Elektoral di Pakistan despues ku a anunsiá e desishon. Polis a detené un bewaker di e partido despues ku el a tira riba suela.
Outoridatnan a registrá vários protesta chikitu den e pais kompleto i polis a usa gas lakrimógeno pa plama vários persona di PTI ku a purba blòkia tráfiko den e kapital, Islamabad.
