ISLAMABAD, PAKISTAN.- Un eksploshon a tuma lugá den un moské Shia durante orashonnan di djabièrnè na Pakistan, den e siudat di Peshawar, matando por lo ménos 50 hende i heridando 196 otro, esei di akuerdo ku ofisialnan di polis i di hospital.
Mas ku 50 persona a keda heridá den e eksploshon, di akuerdo ku Mohammad Asim, e bosero pa Peshwar Lady Reading Hospital, kaminda e víktimanan ta hañando tratamentu. E fuente dje eksploshon aki ta ser sospechá di ta un atake suisidio, aunke investigashonnan ta andando segun polis.
No tabatin ningun organisashon ku a ‘claim’ responsabilidat pa e eksploshon, ku tabata un di esnan mas pió den último añanan riba e minoria Shia na Pakistan, aunke pa hopi tempu nan ta víktima di violensia dor di gruponan militante Islamita Sunni i tambe Taliban.
