LOS ANGELES, MERKA, AFP.- E multimionario Elon Musk a rechasá akusashonnan di agreshon seksual kontra un stewardess seis aña pasa i a denunsiá ku ta trata di un kòmplòt “polítiko”.
“E akusashonnan aki ta kompletamente falsu”, asina e presidente ehekutivo di Tesla i e hòmber mas riku na mundu a bisa riba Twitter, e ret sosial ku e ke kumpra, despues di un artíkulo publiká djaweps.
E medio independiente online Insider a informá ku e kompania aeroespasial di Musk, SpaceX, a paga 250.000 dòler na un muhé na 2018 pa pone fin na un demanda pa komportashon inapropiá di e multimionario.
E empresario di 50 aña, a mustr’é su pénis, el a mishi ku e muhé su pianan sin konsentimentu i el a pidié un akto seksual miéntras e tabata haña masashi serka e muhé den un buelo privá pa London.
E artíkulo a sita un persona ku a bisa ku ta amiga di e stewardess.
Musk ta desafiá e amiga aki pidiendo e pa revelá kualke sikatris òf tatuahe na su kurpa. “E lo no por hasi esaki pasó e kos aki no a tuma lugá”.
