PARIS, FRANSIA, AFP.- Presidente Emmanuel Macron a nombra un gobièrnu paritario djabièrnè, ku un diplomátiko eksperensiá komo kansier i intelektualnan ku rais for di Fransia den karteranan manera Edukashon i Kultura. Esaki ta un intento di Macron pa logra haña mayoria asiento den elekshonnan legislativo di yüni.
E sekretario general di Elysee, Alexis Kohler, tabata na enkargo ku develashon di e promé nombramentunan di Macron despues di su reelekshon riba 24 di aprel kontra Marine Le Pen, kual lo konta ku 14 hòmber i 14 muhé, inkluyendo e promé premier muhé, Elisabeth Borne.
E elekshonnan parlamentario ta klave pa e presidente apliká su programa. Sondeonan ta pronostiká un mayoria apsoluto pa Macron.
