WASHINGTON, MERKA, AFP.- E multimionario Elon Musk a desafiá presidente ruso Vladimir Putin pa un kombate man na man i e trofeo lo ta nada ménos ku Ukrania, esenario di un ofensiva di ehérsito ruso for di kasi 3 siman pasá.
“Mi ta reta Putin pa un kombate man na man, e premio ta Ukrania”, asina el a skibi riba Twitter, e fundadó di e kompania espasial SpaceX, sin presisá kon e duelo lo ta.
“Aseptá e pelea?”, Musk ta puntra den otro mensahe na ruso, dirigiendo su mes direktamente riba e kuenta ofisial na ingles di Twitter na Kremlin. I el a bisa na su mas di 77 mion di siguidónan ku e ta papiando serio.
E presidente checheno Ramzan Kadyrov un firma partidario di presidente ruso i gran fanátiko di artenan marsial a rekomendá e multimionario pa e no lucha kontra Putin pasobra nan kategoria di peso ta demasiado diferente.
“Lo no ta muchu deportivo di parti di Vladimir Vladimirovich (Putin) pa vense un oponente mas debil”, asina el a sigurá riba su kuenta di Telegram, i a proponé Musk pa e trein den e vários sentronan di e repúblika di Chechenia. “Aki nos lo bisa bu riba e métodonan skur merikano di relashonnan públiko i nos lo siña bu di manehá mihó bo kuentanan riba retnan sosial”, asina el a agregá bisando mas aleu ku “lo bo sali di Chechenia sintiendo bo mes otro persona”.
