MERKA. AP.- E direktor general di SpaceX, Elon Musk, a amplia e detayenan riba su plannan pa kolonisá mars.
Musk a rospondé na preguntanan di e website Reddit.
E ehekutivo a komplementá e seshon di deklarashonnan ku a wòrdu efektuá luna pasa durante un konferensia espasial na México, kaminda el a presentá su proyekto pa manda un mion persona pa Mars den e próksimo 40 i 100 añanan.
E vishon di Musk ta pa 1.000 embarkashon di pasahero flota riba e planeta kòrá aki na estilo di “Battlestar Galactica”.
E empresario a papia di su plannan djadumingu. El a bisa ku un embarkashon no tripulá ta wòrdu manda pa Mars ku ekiponan pa konstruí riba Mars i pa proveé embarkashonnan pa regresá Tera.
E promé tripulashon ta enkargá pa konstruí e planta, asina el a agregá.
Luna pasa, Musk a señalá ku SpaceX ya ta trahando riba e tipo di ekipo ku mester pa e proyekto aki.
