ABU DHABI, EMIRATO ARABE UNI, AFP.- Emirato Arabe Uni a firma un akuerdo di “seguridat di energia” ku Alemania, pa suministrá gas natural na líkido (GNL) i gasoil, miéntras ku Berlin ta buska fuentenan nobo di energia pa remplasá esun di Rusia.
E minister di Industria, Sultan Ahmed Al Jaber a duna un diskurso despues ku el a firma e dokumento, konsiderando esaki komo un akuerdo históriko ku ta “reforsá e asosiashon di energia kresiente entre EAU i Alemania. E firmamentu a tuma lugá den presensia di kansier Olaf Scholz, segun indikashon di agensia estatal di notisia WAM.
Scholz a bishita Emirato, kaminda el a reuní ku e presidente di federashon emirato, sheik Mohamed Bin Zayed Al Nahyan.
E mandatario aleman a bisa ku el a akohé a akuerdo di seguridat di koriente “ku satisfakshon” segun indikashon di WAM.
Komo parti di esaki, EAU lo entrega “’un karga di GNL na fin di 2022, ku lo wòrdu usa pa finalisá e terminal flotante di importashon di GNL di Alemania na Brunsbuettel”, un haf den North Sea, segun indikashon di e komunikado.
