KUALA LUMPUR, MALASIA, AP.- E kompania di konstrukshon di sentronan turístiko, Genting Malaysia a presentá un demanda na California, pidiendo por lo ménos 1.000 mion dòler na indemnisashon di Walt Disney Co., i Fox Entertainent Group pa un inkumplimentu di kontrakt, relashoná ku un parke di atrakshon. Asina e empresa a señalá djamars.
E demanda presentá djaluna den Korte di Distrito Sentral di California ta argumentá ku e empresa a sufri dañonan debí ku Fox a retirá di un akuerdo establesé na aña 2013 pa duna lisensia na su propiedat intelektual na Resort World Genting, un edifisio ku ta keda den un seru na Malasia.
E parke ta atrakshon ta e promé di Fox.
Segun e demanda di Genting, Fox a emití un “aviso di inkumplimentu” destiná na terminá ku e akuerdo.
Apesar di e diferensianan riba términonan spesífiko di e trato, Genting a bisa ku Fox no tabatin motibu pa retirá. E demanda ta afirmá ku Disney i 21st Century Fox a interferí ku e kontrakt i a provoká ku Twnetieth Century Fox Licensing and Merchandising a keda sin kumpli ku e akuerdo. E kompania ta forma parti di Fox Entertainment.
Genting a indiká ku invertí kasi 180 mion dòler den e proyekto di Fox. Su rapòrt trimestral mas resien ta señalá ku e grupo tabata di focus pa desaroyá su sentro turístiko i prepará e inougurashon di e parke temátiko Skytropilos di 20th Century Fox.
E inougurashon di e parke mester a sosodé den e promé mitar di 2019.