ISTANBUL, TURKIA, AFP.- Presidente turko, Recep Tayyip Erdogan a gana un segundo buèlta históriko, kual lo ekstendé su reinado di dos dékada te ku 2028.
E presidente a superá e krísis ekonómiko di mas pió na Turkia den un generashon. Ademas, esaki tabata e aliansa opositor di mas poderoso ku su partido a enfrentá riba su kaminda pa viktoria elektoral.
Kaya tabata yen ku hendenan selebrando e viktoria. Felisitashonnan a yega Turkia desde rònt mundu despues ku e lider di mas importante di Turkia a gana. E presidente su simpatisadónan a kanta un serie di kantika, selebrando dilanti di su palasio presidensial na Ankara.
Resultadonan kasi kompleto a mustra ku Erdogan a vense e opositor Kemal Kilicdaroglu ku kuater porshento.
Lidernan di Europa i e mundu árabe a manda nan felisitashonnan, inkluyendo e eks presidente merikano Donald Trump.
E ekonomia di Turkia ta bira e prueba di mas inmediato pa Erdogan. Erdogan a rechasá pronóstikonan di peliger ekonómiko di analistanan.
