WASHINGTON, AFP.- Facebook a bai di akuerdo pa paga 14 mion di dòler pa solushoná un demanda di gobièrnu merikano ku ta akusá e gigante teknológiko di faboresé e inmigrantenan ku ta aspirá míles di trabou di salario haltu, asina e outoridat a informá.
E fiskalnan merikano a bisa ku Facebook a kanalisá puestonan di trabou pa titularnan di visa i asina a evitá di anunsiá riba nan wèpsait e reklutamentu i a aseptá solamente solisitutnan manda físikamente pa mail i a nenga direktamente na konsiderá trahadónan merikano.
E demanda ku a kuminsá na desèmber 2020 ta representá algu nobo den e preshon hudisial kresiente, regulashon i anti-monopolia riba e gigante di retnan sosial, ku a yega míles di mion di persona den henter mundu ku nan plataformanan.
“Facebook no ta riba lei i e mester kumpli ku e protekshonnan di derechinan sivil federal di nos nashon”, asina e fiskal general athunto Kristen Clarke a bisa den un komunikado.
