TOWNVILLE, AP.- E mama di un menor di edat akusá di a mata su tata i heridá dos alumno i un maestro na un skol na South Carolina a deklará ku e famia ta kibrá pa e suseso. Tiffney Osborne a ekspresá “Nos no por ekspresá e doló ku nos ta sinti pa ku e pèrdida di nos Jeffs stimá”, segun un deklarashon entregá na medionan di prensa pa James South. Outoridatnan a afirmá ku e suseso a kuminsá djárason atardi ora e hóben a mata su tata Jeffrey Osborne na su kas promé ku el a bai skol.
No a divulgá nòmber ni edat di e hóben. South a bisa ku Tiffney Osborne a haña sa di e suseso pa medio di prensa. E hefe di polis John Skipper a informá esaki poko promé ku el a yega e lugá. Un bombero a basha e hóben abou na e skol Townville promé ku el a drenta e edifisio.
E bombero Jamie Brock ku tin 30 aña trahando pa e departamento no kier a yama atenshon. “E ke keda diskreto i humilde”, pasobra e ta kere ku e no a hasi nada ku otro bombero boluntario lo no a hasi, segun Scott Stoller di e servisio di emergensia di e kondado aki.
