MEXICO, AFP.- Un grupo grandi di feminista ayera djaluna a eksihí aborto legal den henter México pero nan marcha a keda blòkiá pa polisnan hende muhé, loke a sòru pa un choke ku esnan uniformá.
E manifestantenan di kual mayoria bistí na pretu i ku nan kara tapá a reuní den serkania di e sentro históriko di Siudat di México pa marcha bai e sentro pero nan paso a keda impedí pa un grupo di polis, integrá pa hende muhé ekipá ku eskudo.
“Nos tin algun persona lastimá ku leshonnan chikí” entre nan polis, asina Milenio Arturo Medina sup sekretario di gobièrnu a bisa.
E manifestantenan a eksihí ku aborto keda no kastigá den henter e pais ya ku awor solamente e ta permití te ku 12 siman den e siudat di México, for di 2007 i na Oaxaca for di 2019.
Awe ta e dia ku ta rekordá akshon global pa akseso na aborto legal i seguro ku mobilisashon den diferente pais.
E enfrentamentu ku polis a kuminsá for di na kuminsamentu di e marcha, ora e manifestantenan a pinta i destrosá mobilario públiko i monumentonan ku ta riba nan kaminda pa e sentro di e kapital asina AFP a konstatá.
