KUSNACHT, SUISA, AFP.- Poko despues di e notisia di morto di Tina Turner ayera, bela i flor a kuminsá monta dilanti su kas na Suisa, kaminda e leyenda di Rock a biba pa un dékada kaba.
Un multitut a kuminsá kongregá dilanti di e porta di heru grandi. Siguidónan tabata kana den skuridat un pa un pa pone nan areglonan di flor i bela.
“Mi a keda impaktá”, asina Miran Zinder un persona di 48 aña i bisiña di e lugá. “Mi no a spera ku esaki lo a sosodé asina lihé”.
Konsiderá un di e artistanan mas famoso di mundu, e reina di Rock di 83 aña a biba pa kasi 30 aña na Chateau Algonquin na Kusnacht riba e zona eksklusivo di e lago di Zürich.
Ayera tabata un dia hopi tristu na momentu ku a bira konosí ku e artista Tina Turner a fayesé despues di un bataya largu di enfermedatnan.
