PARIS, FRANSIA, AFP.- Forsanan di seguridat iraní a tira riba manifestantenan ku a reuní djárason den siudat natal di Mahsa Amini, kaminda míles di persona a partisipá na konmemorashonnan pa su morto.
“Forsanan di seguridat a tira gas lakrimogeno i a basha bala riba hendenan riba plasa di Zindan na Saqqez”, segun indikashon di Hengaw riba Twitter, un grupo di defensa di derechonan humano di kursonan di Iran na Noruega.
Retando medidanan fuerte di seguridat, e manifestantenan a reuní na santana di Kurdistan iraní kaminda Mahsa Amini ta derá pa final di e periodo di luto di 40 dia.
Amini, di 22 aña, a muri riba 16 sèptèmber tres dia despues ku polis di moral a detené pa keda sin kumpli ku e kódigo estrikto di hijab di e Repúblika Islámiko.
