BEIRUT, AP.- Forsanan turko i rebelde sirio aliado a ekspulsá Estado Islámiko djadumingu di e último tramo di teritorio ku tabata kontrolá e frontera sirioturko i un grupo opositor sirio.
Di otro banda, forsanan partidario di gobièrnu sirio, apoyá pa atakenan aéreo a lansa un ofensiva amplio serka di e siudat na nort di Alepo, di kual nan a rekuperá zonanan pèrdí luna pasá i a tuma kòntròl bèk. Medionan estatal i un grupo aktivista di oposishon a afirmá esaki.
Rebeldenan di Ehérsito Sirio Liber, a limpia e zona entre pueblonan na frontera ku Azaz (sirio) i Jarablus. Asina promé minister turko, Binali Yildrim a indiká.
E agensia di notisia Anadolu a bisa ku e avanse a “eliminá kontakto físiko di e organisashon terorista Daesh ku frontera turko na nort di Siria”. Daesh ta e nòmber árabe di grupo Estado Islámiko.
E avanse di Ehérsito Sirio Liber a sera kamindanan klave usá pa Estado Islámiko pa trese kombatientenan estranhero, armá i munishon.
Opservatorio Sirio pa Derecho Humano ku sede na Gran Bretaña, a bisa ku Estado Islámiko a “pèrdè kontakto ku su mundu den eksterior despues di pèrdè tur zona na frontera” ku Turkia.
