PARIS, FRANSIA, AFP.- Míles di persona a protesta den Paris djadumingu pa mustra solidaridat ku e maestro ku a keda dekapitá pa motibu ku el a mustra alumnonan karikaturanan di e profeta Mohammed.
E promé minister Jean Castex tabata entre e multitut di manifestante riba Place de la Republique. El a keda kompaña pa e minister di
Edukashon Jean-Michel Blanquer, e alkalde di Paris Anne Hidalgo i e minister di interior Marlene Schiappa.
E atake di Charlie Hebdo na aña 2015 a kousa un serie di violensia islamita i a kuestioná Fransia riba e posishon di Islam den e sosiedat sekular aki. Kasi 1.5 mion persona a kongregá riba Place de la Republique despues di e masakre kontra e revista.
Outoridat a bisa ku mas o ménos 6.000 persona a kongregá na Lyon na ost di Fransia djadumingu. Sentenáres mas a reuní na Nice, na kosta sùit i diferente siudat mas tambe a plania pa protestá.
