RAMALA, PALESTINA, AFP.- E sekretario General di Organisashon pa Liberashon di Palestina (OLP), Saeb Erakat, infektá ku covid-19 lo keda hospitalisá djadumingu den un hospital israelí pa motibu ku su estado di salú a deteriorá segun un miembro di su famia.
OLP a bisa den un komunikado ku lo interná Erakat den un hospital na Tel Aviv. Su ruman hòmber Saber Erakat a konfirmá esaki.
OLP a anunsiá riba 9 di òktober ku e polítiko di 65 aña a keda infektá ku covid-19. Erakat a haña un transplante di pulmon den pasado na Merka.
Erakat ta un figura palestino konosí den ekstranhero pa motibu di su partisipashon den tur negosiashon ku Israel.
