MINSK, BELARUS, AFP.- Míles di manifestante na Belarus a protesta kontra
presidente Alexander Lukashenko djadumingu, desafiando tur menasa di outoridat bisando ku lo tira nan despues di vários siman di protesta.
E nashon a registrá un serie di protesta despues ku Lukashenko a gana kontra Svetlana Thikanovskaya den elekshon di 9 di ougùstùs último.
Tikhanovskaya a urgi tur manifestante pa kontinuá ku e protestanan “pasífiko pero persistente”.
Tikhanovskaya a haña refugio na Lituania despues di e votamentu, i a pidi Lukashenko pa renunsiá promé ku 25 di òktober. Si esaki no sosodé, oposishon lo dekretá un paro general.
Polis a bisa e siman aki ku e protestanan ta birando mas radikal i a atvertí ku outoridat lo no duda pa tira e manifestantenan si esaki ta nesesario.