PARIS, AP.- E esfuersonan resien di Fransia pa redusí kontaminashon lo afektá esnan ku ta kome den aire liber tambe, bou di un lei nobo. Esnan ku kier piknik ya no por usa kùp di plèstik pa biña, tampoko bestèk ni tayonan di e material aki.
Bida den ofisina tambe lo kambia, pasó mashinnan di kòfi ya lo no duna kùpnan di plèstik.
E medida nobo ku a drenta na vigor den ougùstùs, lo duna tur produktor te ku añan 2020 pa sigurá ku tur tayó bende den Fransia ta di fuentenan biológiko. Esaki ta sigui despues di un prohibishon di saku di plèstik desde yüli.
Ounke vários pais a prohibí sakunan di plèstik, Fransia ta e promé pa introdusí un restrikshon di bestèk, tayó i kùpnan di plèstik. E medida ta despues ku Paris a sirbi komo anfitrion di un konferensia importante luna pasá, tokante kambio di klima, miéntras gobièrnu sosialista ta purba pone Fransia na kabes di e lucha ambiental aki.
Miéntras organisashonnan d i ekologia a aploudí e lei franses i ta spera ku otro paisnan ta sigui e ehèmpel, esnan kontra ta indiká ku esaki ta afektá konsumidónan i violá normanan di Union Europeo di movementu liber di artíkulonan.
