MIAMI BEACH, FLORIDA, MERKA, AP.- Djabièrnè trempan un kampaña di fumigashon a kuminsá den área di Mami Beach Florida, pa kombatí e sanguranan kargadó di zika.
Un avioneta a basha insektisida naled riba Atlántiko promé ku djabièrnè mainta.
A usa ekipo meteorológiko na bordo di e avioneta pa determiná e kondishonnan meteorológiko i kalkulá un ruta di buelo ku ta permití bientu pa hiba e insektisida riba e isla.
E siguiente ròndu di fumigashon ta programá pa djadumingu 6’or di mainta.
Algun residente ta oponé kontra e fumigashon, pa miedu di wòrdu perhudiká. ‘Nos tin miedu ku e naled tin mas riesgo potensial di krea problema i nos ta purbando di evitá problemanan real ku zika”, asina Brik Viera a bisa, kende ta residente di e área.
Outoridatnan lokal a bisa ku algun mayor no a hiba nan yunan skol djabièrnè debí na e fumigashon aki.
Alabes outoridatnan ta sigurá ku e konsentrashon abou di naled no ta kousa daño na personanan.

ARTIKULONAN RELASHONAMORE FROM AUTHOR