MUNICH, AP.- Merka i Taliban a bai di akuerdo ku un tregua lo drenta na vigor “próksimamente” i ku esaki por nifiká retiro di forsanan merikano di Afghanistan, segun informashon di un fuente merikano ofisial.
E funshonario a bisa ku e akuerdo, kual ta kontemplá “un redukshon di violensia” durante shete dia ta inkluí forsanan arma afgano.
E fuente a papia ku kondishon pa no wòrdu identifiká despues di a antisipá e anunsio ofisial.
E sekretario di Estado merikano, Mike Pompeo, i esun di Defensa, Mark Esper, a reuní djabièrnè na Munich ku e presidente afgano Ashraf Ghani.
Presidente Donald Trump ya tabata di akuerdo ku e tregua aki, kual por nifiká retiro di kontingentenan grandi di forsanan merikano for di Afghanistan, segun funshonarionan di e gobièrnu merikano.
E detayenan a wòrdu akordá resientemente pa e representante merikano spesial, Zalmay Khalilzad i representantenan di Taliban na Doha, Qatar. Khalilzad i e general Scott Miller, komandante di e forsa internashonal guiá pa Merka na Afghanistan tambe a presentá na e reunion na Munich.
Diferente persona na altura di e plan a bisa ku despues di e tregua di un siman lo inisiá un temporada di 10 dia pa inisiá e negosiashonnan ku partisipashon di tur parti afgano pa elaborá un ruta pa e futuro polítiko di e pais.
