LONDON, REINO UNI, AFP.- Gobièrnu britániko a anunsiá djadumingu ku lo kanselá e proyekto pa imponé un karnèt di salú pa drenta diskotèknan i otro sitionan hopi frekuentá den Inglatera. Gobièrnu no ta konsiderá ku e karnèt ta nesesario mirando ku e kampaña di vakunashon kontra COVID-19 ta eksitoso.
E desishon pa hala atras di e medida a sosodé despues ku e minister di salubridat a anunsiá ku lo introdusí e karnèt pa fin di sèptèmber. Sektornan empresarial i miembronan di oposishon a kritiká e anunsio.
Kasi 81% di e poblashon britániko riba 16 aña a haña dos dósis di e vakuna.
Tur pais den Reino Uní por tuma nan propio desishonnan relashoná ku medidanan di COVID. Eskosia a disidí ku lo introdusí un sertifikado di vakunashon desde 1e di òktober pa drenta diskotèknan i pa hasi sierto aktividatnan. E meta ta pa limitá infekshonnan awor ku skol a kuminsá bèk.
Promé minister britániko Boris Johnson mester publiká detayenan di su plan pa lucha kontra COVID.
