WASHINGTON, AP.- Presidente Donald Trump a bisa djamars ku su gobièrnu ta konsiderando pa duna status di Protekshon Temporal na míles di venezolano ku a yega Merka i kende ta huyendo for di e situashon difísil den e pais suramerikano.
Venezuela, kual tabata un nashon di petroli riku, ta pasando dor di un krísis di skarsedat di produktonan básiko i un inflashon sumamente haltu Trump a bisa ku e situashon na Venezuela ta algu horibel i ta “tumando lugá pa un tempu largu kaba”.
E Status di Protekshon Temporal ta pa esnan ku ta bini for di un pais afektá pa un desaster natural òf guera i ta duna nan pèrmit pa keda den Merka te ora e situashon den nan nashon di orígen mehorá.
E atministrashon di Trump a purba retirá e status aki di vários pais. Pero Trump a indiká ku “nos ta revisando e opshon” aki seriamente.
Dos pènel di Kongreso a avansá ku proyektonan di lei di protekshon na e venezolanonan, loke ta kontradesí e polítika migratorio di Trump.
