MCALLEN, TEXAS, MERKA, AP.- E implementashon di reglanan nobo di inmigrashon na frontera di Merka ku Mexico a drenta den un kaso mas profundo ku e desishon di presidente Donald Trump di revertí un polítika ku ta separá muchanan di nan mayornan. Esaki a krea insertidumbre tantu pa e famianan komo pa e agensianan federal ku kargo pa detené nan i prosesá nan.
Un funshonario haltu di gobièrnu a bisa ku mas o ménos 500 di e mas di 2.300 muchanan separá di nan famia a reuní desde mei. No ta evidente kuantu mucha tabata detené ku nan famianan.
E agensianan federal tabata trahando pa instalá un proseso sentralisá riba reunion di muchanan ku keda separá i nan famianan den un sentro di detenshon serka di frontera ku Texas, asina e funshonario a bisa, kende a papia ku The Associated Press ku kondishon pa keda anónimo debí ku e no tabata outorisá pa papia públikamente riba e tema.
