TOKYO, SP.- Un hòmber a drenta den un studio di animashon na Kyoto gritando “boso muri” i a provoká un kandela ku a laga por lo ménos 33 morto. outoridat a agregá ku ya no tin ningun hende pèrdí mas.
36 persona a resultá herida i 10 su kondishon ta kritiko, segun Kazuhiro Hayashi, di departamento di bombero den e siudat.
Hayashi a agregá ku a bomberonan a haña un kantidat grandi di morto na e terser i último piso di e edifisio. Tabatin dos persona morto na e promé piso, 11 na e di dos piso i 20 na e terser piso di e edifisio.
E kandela den edifisio di Kyoto Animation na Kyoto, e kapital bieu di Hapon, a kuminsá despues ku un individual a tira un líkido no identifiká pa aselerá e kandela, segun funshonarionan di polis i bomberonan di Kyoto.
E sospechoso a resultá herida i a keda trasladá pa un hospital segun outoridat. Polis ta investigá e hòmber pa supuesto kandela provoká. Promé minister Shinzo Abe a ekspresá su kondolensia pa e víktimanan.
