LONDON, AP.- Prens Harry a kritiká media britániko pa e trato na su kasá Meghan, akusando nan di kier mancha su nòmber, meskos ku a hasi ku su mama, prinsesa Diana, kende a fayesé den un aksidente di outo na aña 1997, miéntras el a purba hui pa paparazzi.
“Mi miedu di mas grandi ta ku e historia aki lo bolbe ripití. Mi a mira kon sernan kerí di mi ta wòrdu tratá komo si fuera nan no ta hende. Mi a pèrdè mi mama i awor mi mester mira kon mi kasá ta kai den e mesun forsanan poderoso aki”, asina Harry a bisa.
E korant Mail on Sunday a publiká un karta ku e dukesa a skibi pa su tata. Meghan su demanda sivil ta akusá e korant ku violashon kontra derechi di outor, uso inadekuá di informashon públiko i violashon di protekshon di dato.
E pareha a wòrdu kritiká pa usa playa di kontribuyentenan pa remodelá nan kas i pa biaha den un djèt privá apesar ku nan ta sostené kousanan ambiental.
