ANTALYA, TURKIA, AFP.- E hefe di diplomasia ruso Sergeui Lavrov a yega Turkia kaminda e lo reuní ku su homólogo ukraniano Dmhytro Kuleba, den un enkuentro di nivel haltu entre ámbos partido for di inisio di e ofensiva na Ukrania, asina un funshonario turko a bisa.
Turkia ta hunga un papel di mediashon den e kombersashonnan, programá for di djaweps mainta na Antalya siudat sùit ost di Turkia. Esaki ta e promé biahe den ekstranhero di Lavrov for di despues ku Rusia a kuminsá e ofensiva na Ukrania dia 24 di febrüari, loke a sòru pa sanshonnan fuerte di oksidente kontra su ekonomia. Turkia miembro di OTAN i aliado di Ukrania, tambe ta mantené un relashon serkano ku Rusia. For di prinsipio di e konflikto el a trata na haña kontakto entre e dos paisnan.
