BOGOTA, COLOMBIA, AP.- E hefe di sikario di e kapo narkotráfiko kolombiano ku a fayesé, Pablo Escobar, a sigurá djaweps ku e kier bira kongresista pa lucha kontra korupshon i na fabor di e prezunan. “nan ta papia malu di mi tur dia, pero mi ta sigui pa dilanti. Ora ku hustisia transishonal bira efektivo den e pais mi kier postulá pa senado di e repúblika”. Asina Jairo Velasquez a bisa, alias Popeye. Ku ironia, e asesino tabata den prizòn pa 23 aña komo el a konfesá responsabel di sentenar di asesinato. El a indiká ku si e máksimo hefe di FARC alias Timochenko, drenta parlamento e tambe por.
E hustisia transishonal ku Popeye ta referí na dje ta drenta na vigor manera nan firma pas entre gobièrnu di presidente Juan Manuel Santos i FARC. E abogado konstitushonalista Juan Carlos Moncada a splika via telefòn na The Associated Press ku na Colombia, niun hende no por bira kongresista si nan a wòrdu kondená. Esaki no ta konta pa delitonan a-polítiko òf kulposo.
