KANSAS CITY, AP.- Dos grupo bibá na Kansas City, unu blanku i otro koló skur i di poko rekurso. Rei kua di e dosnan aki ta mas optimista pa loke ta futuro di e pais i di nan nietunan. Loke ta mas probabel ta ku nan lo kiboká. Elekshonnan presidensial di novèmber a saka na kla; riba plano ekonómiko, e hendenan koló skur i e hispanonan ta bayendo mas mihó ku e blankunan, pero enkuestanan ta revelá ku e minoria ta kere mas den e soño merikano ku e blankunan. I nan ta sinti nan mes ménos nèrvioso pa loke ta e resultado di e elekshonnan.
Carole Ramsey di 71 aña sa ku e tabatin suèltu. El a kasa ku un abogado eksitoso, el a kria su yunan i ta biba den un suburbio eksitoso di Kansas City i ya el a baha ku penshun, e ta biba un bida kómodo i ta biaha hopi. “Mi a hiba un bon bida”, asina Ramsey a bisa kuné ta koló kla den un sentro komersial karu di Leawood na Kansas. El a afirmá ku e lo vota pa Donald Trump pasobra e tin miedu ku ekonomia lo stanka i tambe ku terorismo mundial. “Nos yunan no por biba manera nos a hasié, esei ta sigur”. Ethel Tuggle di 72 aña ta apoyá Hillary Clinton i un di e motibunan prinsipal pa esaki ta e sirkunstansianan di su yunan ku ta indiká ku bida a drecha pa nan famia. “Den nan promé trabou nan ta gana 15 pa 20 dòler pa ora. Nunka promé mi a mira tantu sèn asina”, asina Tuggle a indiká kende ta koló skur i ta traha den konstrukshon pa gobièrnu munisipal te ora el a sufri leshon ku a oblig’é di baha promé ku tempu. Tuggle a mustra sorprendé pa e progresonan ku el a presensiá for di su infansia den e zona rural di Missouri, kaminda no tabata permitié drenta zapateria i e tin di hasi un pintura di su pia riba papel pa e bendedó buska sapatu pe na su midí. Su nietunan sinembargo tin e rasa di presidente esta koló skur.
