ROMA, AP.- Un hues italiano a bisa ku un di e adolesentenan merikano enkarselá pa asesinato di un polis na Roma a bisa ku el a hinka e agente na paña di sivil mata komo ku el a haña e impreshon ku e lo wòrdu choká, segun un dokumento ku The Associated Press a haña djaluna.
Hues Chiara Gallo a skibi un òrdu ratifikando detenshon di e dos residentenan di California. Finnegan Lee Elder a bisa outoridat ku el a hinka Mario Cerciello Rega mata komo ku esaki a purba chok’e.
Sin embargo, e hóben di 19 aña no tabatin niun marka di strangulashon, segun e hues.
E agente a wòrdu hinka 11 biaha i a muri djabièrnè, despues di un benta-kompra di droga ku no a bai bon. E hues a konkluí ku e dos merikanonan no tin kontrol propio i ku nan ta sumamente peligroso.
Polis a bisa djasabra ku ámbos merikano a konfesá nan partisipashon na e asesinato di Cercielo Rega. Segun lei italiano, kualkier persona ku partisipá den un asesinato por wòrdu akusá ku demandanan di asesinato.
E entiero a tuma lugá na e mesun iglesia di Somma Versuviana kaminda e agente di 35 aña a kasa seis siman pasa.
