WILLEMSTAD.- Polis ayera a bai un kas den Kaya Regenboog na Seri Papaya pa un kas na kandela. Huntu ku polis, brantwer tambe a yega pa paga e kandela. E kandela a kue e kas kompleto.
Segun e señora di e kas lo a konta polisnan, e ku e eks pareha di dje a haña nan ku problema i dado momentu a dal den otro ku outo. E hòmber sinembargo a baha for di e outo i bandoná e sitio ku otro hende i a bai kima kas di e señora. Tambe el a bisa e señora ku e lo mata su kurpa.
Polis ta investigando e kaso aki profundo.
