TEGUCIGALPA, HONDURAS, AFP.- Míles di hondureño a aglomerá den 11 merkado den e kapital, promé ku outoridat a sera esakinan temporalmente konsiderando ku esakinan a foko di kontaminashon di e Coronavirus.
Gruponan di polis a vigilá kayanan den serkania pa obligá bendedónan i kumpradónan pa mantené distansiamentu sosial promé sera e merkadonan ofisialmente.
“Tabata manera temporada di Pasku riba merkado”, segun indikashon di e minister di salú, Alba Flores. El a agregá ku tur hende a sali sin masker i sin mantené distansia.
Outoridat a reportá 10.739 infekshon di COVID-19 te ku djaweps i 343 morto, pero funshonarionan a bisa ku kisas e sifra ta mas haltu mirando ku e kapasidat pa hasi tèst di COVID-19 ta limitá.
E situashon a abrumá mayoria hospital, kousando ku mayoria dòkter a sali den grupo pa hasi tèst di Coronavirus. E funshonarionan a detektá 130 kaso di infekshon pa dia den un bario.
Aktualmente tin un toke de keda vigente, pero e pueblo por sali solamente pa kumpra kuminda, remedi, kombustibel i pa bishita banko konforme e último digito di e individual su karnèt di identifikashon òf di kas.
