HOUSTON, MERKA, AFP.- Un hues merikano a retirá un demanda di mas di 100 empleado kontra un di Texas su hospitalnan di mas grandi. Nan a demandá e hospital pa motibu di e hospital su eksigensia pa trahadónan vakuná kontra COVID-19.
E empleadonan su argumento ta ku Hospital Houston Methodist su demanda tabata ilegal mirando ku e vakunanan disponibel tabatin solamente outorisashon di emergensia di outoridat di salubridat di Merka. ounke e outorisashon aki a habri kaminda pa miónes di merikano haña e vakuna.
E hospital a pone 7 di yüni komo e fecha límite pa trahadónan prueba ku nan a haña por lo ménos un inyekshon òf enfrentá retiro.
Korte federal su desishon tabata kontra esun di Jenifer Bridges i 116 empleado mas, indikando ku e seguridat di e vakunanan no ta un problema i lei di Texas ta protehá trahadónan solamente si nan ninga di kometé un krímen. “E vakuna kontra COVID-19 no ta un akto ilegal i no tin ningun sanshon kriminal kontra esaki”, segun hues Lynn Hughes.
Mas di 173 mion merikano, mas di 50% di e poblashon, a haña por lo ménos un inyekshon di COVID-19 te ainda. Segun enkuestanan, trahadónan di salubridat ta forma e grupo di mas grandi di esnan ku ta duda den e vakuna.
