NEW YORK, MERKA, AFP.- Un hurado di tribunal federal di New York a deklará Donald Trump komo responsabel pa difamá i agredí e èks periodista E. Jean Caroll seksualmente, ounke no pa violashon, i e lo mester paga 5 mion dòler na daño i perhuisio.
E hurado di nuebe miembro a tuma tres ora pa deklará Trump komo responsabel pa e akusashonnan di e èks periodista di 79 aña.
E hurado a determiná tambe ku Trump lo mester paga Carroll 5 mion dòler pa daño i perhuisio.
Trump a bisa ku e sentensia ta un “bèrgwensa”. “Mi no tin niun idea di ken e muhé aki ta”, asina el a skibi riba su ret Truth Social.
Ta promé biaha ku Trump, ku ta aspirá pa regresá Kas Blanku den elekshon di 2024, ta keda konsiderá komo legalmente responsabel pa e kantidat di akusashonnan di agreshon seksual den su kontra.
Carroll a denunsia Trump aña pasa pa violashon i pa difamashon i a revelá ku e eks presidente a viol’é den un paskamer den deklará di 1990.
