QUITO, ECUADOR, AFP.- Kongreso di Ecuador a disidí pa persiguí e presidente Guillermo Lasso pa korupshon, den su segundo intento pa retirá e presidente den ménos ku un aña.
Ku 88 voto na fabor di e 116 miembronan di asamblea presente den e seshon, a duna lus bèrdè pa e moshon kontra e gobernante derechista, kual supuestamente ta metí den un kòmplòt di kontrakt estatal pa transporte di krudo.
Bintitres diputado a oponé i sinku a apstené d vota den e huisio ku ainda no tin fecha pa kuminsá.
Despues ku e seshon a kaba, kual a dura mas ku sinku ora, tabatin aplouso i gritunan d “fuera Lasso” den pleno Parlamento.
Oposishon dominá pa e movementu iskierdista Revolushon Siudadano, di eks presidente Rafael Correa, ta akusá Lasso di malversá plaka di Flota Petrolero Ekuatoriano atraves di kontraktnan ku a sera entre 2018 i 2020.