LONDON, REINO UNI, AFP.- Korte supremo britániko a rechasá e rekurso di fundadó di Wikileaks Julian Assange pa apelá kontra su ekstradishon pa Merka, kaminda e lo keda husgá pa un filtrashon masivo di dokumento, asina e tribunal a anunsiá segun Wikileaks.
Un bosero di korte a indiká ku e tribunal a rechasá pa duna pèrmit pa apelá ya ku e petishon no ta trese dilanti niun punto di derechi diskutibel. E bosero a añadí ku e partidonan a keda informá ayera tardi.
E kaso lo keda awor den man di e minister di interior Priti Patel, asina Wikileaks a informá riba Twitter.
