LIMA, PERU, AFP.- Komishon Interamerikano di Derecho Humano (IACHR) a denunsiá djárason e eventual ehekushon i masakre di manifestantenan durante e represhon di protestanan kontra e presidente di Perú, Dina Boluarte, kual a laga 50 morto entre desèmber aña pasá i febrüari.
E organismo di OEA presentá un informe despues di e bishita di representantenan den e pais suramerikano na komienso di aña, kual ta señalá ku agentenan di e Estado ta responsabel pa vários morto di sivilnan i ta pidi hustisia di Perú, pa “investigá, huzga i sanshoná” esnan responsabel.
IACHR a bisa ku e mortonan por wòrdu konsiderá komo un masakre, i ku na momentu ku esaki wòrdu kometé pa un agente di Estado, por papia di ehekushonnan ekstrahudisial.
Den yanüari, Fiskal a kuminsá investigá presidente Boluarte di 60 aña, i otro funshonarionan pa delitonan di “genosidio, asesinato i leshonnan grave”.
Sinembargo, e mandatario tin inmunidat te ora su mandato kaba, den yüli 2026.
